ТЫПУ́ СУЛТА́Н (1750—4.5.1799),
правіцель (падзішах) паўд.-інд. дзяржавы Майсур [1782—99]. Вёў 3 вайны з Вялікабрытаніяй (гл. Англа-майсурскія войны). Уступіў на прастол у час 2-й англа-майсурскай вайны 1780—84. Пасля паражэння ў 3-й англа-майсурскай вайне 1790—92 спрабаваў стварыць баяздольную армію шляхам пераймання пэўных элементаў еўрап. ваен. арганізацыі. Дзеля гэтага заключыў саюз з урадам рэв. Францыі. У час 4-й англа-майсурскай вайны 1799 загінуў пры штурме англ. войскамі сталіцы Майсура — г. Серынгапатам.
т. 16, с. 78
Беларуская Энцыклапедыя (1996—2004, правапіс да 2008 г., часткова)